नेपाल प्रिमियर लिग क्रिकेट एनपीएलमा लगातार चौथो जित निकालेको जनकपुर बोल्ट्सलाई टोलीको गोल्ड पार्टनर टेक्नोले चीन भ्रमण गराउने भएको छ। लगातारको जीतले उत्साहित बनेको टोलीलाई थप उत्साहित र मानसिक रुपमा बलियो बनाउने उद्धेश्य सहित टीमलाई चीनको भ्रमणले रोमाञ्चक गराउने टेक्नोले जनाएको हो।
जनकपुरले आइतबार आफ्नो चौंथो जित निकलेको थियो । टियू मैदान कीर्तिपुरमा भएङ्को खेलमा जनकपुर बोल्टस्ले लुम्बिनी लायन्सलाई १ रनले पराजित गर्दै नेपाल प्रिमियर लिग, एनपीएलको शीर्ष स्थानमा उक्लिदा ४ खेलबाट ८ अंकसहित बोल्ट्स अहिले अङ्क तालिकाको शीर्ष स्थानमा रहेको छ। त्यस्तै आज सोमबार नेपाल प्रिमियर लिग एनपीएल क्रिकेटमा कुनै खेल नराखिएको हो । आज खेलाडीको आरामका लागि कुनै खेल नराखिएको बताइएको छ ।
