सप्तरी प्रशासनले डाक्नेश्वी नगरपालिका क्ष्रेत्र भित्र मदिराजन्य पदार्थको विक्री वितरण र सेवनमा रोक लगाएका छन् । प्रमुख जिल्ला अधिकारी भोला दाहालले बुधबार एक प्रेस विज्ञप्ति जारी गर्दै स्थानीय तह उप निर्वाचनका लागि मदिराजन्य पदार्थको बिक्री वितरण तथा सेवनमा रोक लगाएको जनाएका हुन् ।
जिल्ला प्रशासन कार्यालय सप्तरीद्वारा जारी विज्ञप्तिमा सप्तरीको डाक्नेश्वरी नगरपालिका वडा नम्बर १ र ४ मा स्थानीय तह उप निर्वाचन हुन गइरहेको हुँदा मंसिर ५ गते देखि मतगणना कार्य सम्पन्न नभएसम्म नगरपालिका भित्र मदिराजन्य पदार्थ विक्री बितरण तथा सेवन गर्न रोक लगाइएको उल्लेख गरिएको छ ।
जिल्ला प्रशासन कार्यालय सप्तरीले यहीँ मंसिर १६ गते हुने स्थानीय तह उपनिर्वाचनका लागि मदिराजन्य पदार्थको बिक्री वितरण तथा सेवनमा रोक लगाएको प्रमुख जिल्ला अधिकारी भोला दाहालले बताएका छन । निर्देशन उलंघन भएमा कानून बमोजिम कारबाही गरिने समेत प्रमुख जिल्ला अधिकारी दाहालद्वारा हस्तक्षरित प्रेस विज्ञप्तिमा सचेत गराइएको हो ।
