सप्तरीको रुपनी गाउँपालिका वडा नम्बर १ कृष्णा किराना पसलमा आइतबार राती आगलागी हुँदा लाखौंको क्षति भएको छ । स्थानीय रञ्जीता देवी साहले संचालन गरेको किराना पसलमा आइतबार राती साढे ९ बजे आगलागी भएको हो ।
बिधुत लाइन सर्ट भइ पसलमा भएको आगलागीमा परी तेल,बिस्कुट,चिप्स,सुर्तिजन्य सामान, र चिउरा,पिना,डिएपी खाध,डाइफर लगायतको किराना समानहरु जलेर नष्ट भएको प्रोप्राइटर साहले जानकरी दिएकि हुन ।
आगो निभाउने क्रममा रन्जीताका श्रीमान किसुन साह घाइते भएका छन् । अनुहार, आँखा र बायाँ खुटामा आगोको रापले पोलेर घाइते साहलाई प्रहरीले तत्कालै उद्वार गरी अस्पताल भर्ना गरेका थिए ।
साहलाई स्थानीय प्रदेश प्रहरी होस्पिटल रुपनीमा उपचार गराइ घर फर्काइएको प्रहरीले जनाएको हो । आगलागीमा परी १२ लाख ५० हजारबराबरको क्षति भएको इलाका प्रहरी कार्यलय रुपनीले जनाएको छ । आगो स्थानीयबासी र प्रहरी मिलेर नियन्त्रणमा लिएका हुन ।
