बाढीको चपेटामा परी यहाँका दुई युवकले ज्यान गुमाएका छन् । सोनी खोलाको बाढीमा परी १६ वर्षीय रोहित साह र बर्दिबास–१० झ्याउरे भाङ्ग्रे गाउँका २१ वर्षीय मानबहादुर थिङको मृत्यु भएको जिल्ला प्रहरी कार्यालय महोत्तरीले जनाएको छ ।
सोनीखोलाको बाढी हेर्न गएका साह बाढीसँगै बगेका हुन भने शिरखोला तर्ने क्रममा लडेका थिङको निसा सिएर मृत्यु भएको जिल्ला प्रहरी कार्यालयका सूचना अधिकारी प्रहरी नायब उपरीक्षक सन्तुलाल जसवालले बताएका हुन । यसैबीच, सोनीखोलाको बाढीले बगाएकी एक १२ वर्षीया बालिकालाई प्रहरीले सकुशल उद्धार गरेको छ । उद्धार गरिएकि बालीका रोहित साहसँगै बाढी हेर्न गएकी थिइन् ।
