सप्तरीको तिरहुत गाउँपालिका २ मैनाकडेरीमा एक युवक झुन्डिएको अवस्थामा फेला परेको हो । स्थानीय इनुस मंसुरीका कान्छो छोरा अन्दाजी बर्ष २३ को आईजु मंसुरी बुधबार विहान झुन्डिएको अवस्थामा मृत फेला परेको हो ।
घरबाट ५ सय मिटर पर रहेको महुली खोला किनारमा रुखको हांगामा गम्छामा फाँसो लगाई झुन्डिएको अवस्थामा युवकको शव फेला परेको ईलाका प्रहरी कार्यालय कंचनपुरले जनाएका छन ।
स्थानीयले झुन्डिएको देखेपछि प्रहरीलाई खबर गरेका थिए । घटना स्थलमा प्रहरी पुगेर घटनाको सबै प्रक्रिया पूरा गरि मृतक युवकको शब पोष्ट मार्टमका लागि गजेन्द्रनारायण सिंह अस्पताल राजबिराज पठाएको ईलाका प्रहरी कार्यालय कंचनपुरका डिएसपी महेन्द्र नेपालले जानकारी दिएका हुन । यस घटना बारे थप अनुसन्धान भईरहेको नेपालले बताएका हुन ।
