नेपालले आइतबार अमेरिकाविरुद्धको दोस्रो ट्वान्टी २० अन्तर्राष्ट्रिय खेल सुपर ओभरमा जितेको छ । यससँगै नेपाल तीन खेलको सिरिजमा २ ० ले अगाडि रहदै सिरिज आफ्नो नाममा लेखाउन सफल रहेको र नेपालले हारको संघारमा रहेर यस खेलमा विजयी हासिल गरेको हो । अब सोमबार हुने अन्तिम खेल भने औपचारिक हुनेछ ।
डलासमा भएको खेलको सुपर ओभरमा दुई रन मात्र दिएर दुई विकेट लि नेपालको जितमा सोमपाल कामी नायक बनेका हुन । सोमपालले चार बलमा दुई विकेट लिए भने अन्तिम दुई बलमा लगातार विकेट हात परेका हुन । त्यसमा सयन जहाँगीर र एरोन जोन्स चार बल मात्रै टिकेका थिए । त्यसपछि सौरभ नेट्राभाल्करको बलमा नेपालका लागि कप्तान रोहित पौडेल र कुशल भुर्तेलले चार बलमा तीन रन बनाए ।
यसअघि जितका लागि १ सय ७१ रन पछ्याएको अमेरिकाले आठ विकेटमा १ सय ७० रन मात्र बनाउन सक्यो र यस्तोमा खेल डाई भएको हो । जसदीप सिंह अन्तिम बलमा रनट आउट भएपछि अमेरिका विजयी रन बटुल्न असफल रहेका हुन । अमेरिकाकोलागि आन्द्रेस गुसले सर्वाधिक ६२ रन बनाए भने गुसले ४३ बलमा तीन चौका र चार छकका प्रहार गरेका थिए ।
अमेरिकालाई अन्तिम ओभरमा जित्नलाई सात रन चाहिएको थियो । अझ अन्तिम बलमा दुई रन चाहिने स्थिति बनेको थियो, तर त्यस मौकालाई हात भने पार्न नसकेका हुन । अमेरिकाका लागि ओपनर साइतेजा मुखमलले ४१ बलमा ४७ रन बनाए । उनले दुई चौका र तीन छक्का प्रहार गरेका थिए ।
नेपाली बलरमध्ये करण केसीले तीन र सोमपाल कामीले दुई विकेट लिए । टस जितेर पहिले ब्याटिङ गरेको नेपालले कुशल भुर्तेलको उत्कृष्ट प्रदर्शनमा ६ विकेट गुमाएर १ सय ७० रन बनाएको थियो । नेपालको इनिङ्स कुशल भुर्तेलमा टिकेको थियो र उनले नटआउट रहेर ५४ बलमा ९२ रन बनाए । त्यसमा सात चौका र छ छक्का सामेल थियो ।
नेपालको सुरुवात भने राम्रो रहेन र ११ रनको स्थितिमै ओपनर आसिफ सेखले विकेट गुमाए । उनले एक रन मात्र बनाए । अर्का ओपनर अनिल साहले भने २५ रनको योगदान गरे र त्यसमा दुई चौका र एक छक्का सामेल थियो । त्यसपछि गुल्सन झाले १२ बलमा १९ रन बनाए । उनको ब्याटबाट दुई चौका र एक छक्का निस्केको थियो ।
कप्तान रोहित पौडेलले भने १४ बलमा १८ रनको योगदान गरे । उनले दुई चौका प्रहार गरे । दीपेन्द्रसिंहले दुई रन मात्रै बनाए । अर्का नटआउट ब्याटर करण केसीले ६ रन बनाए । अमेरिकी बलरमध्ये नोसथुस केनजिगे र जसदीप सिंहले दुई दुई विकेट लिए । नेपाल पहिलो ट्वान्टी(२० १७ रनले विजयी रहेको थियो ।
