सिरहा नगरपालिका वडा नम्बर ९ गुलरियामा अनियन्त्रित भएर मोटरसाइकल दुर्घटना हुँदा एक युवकको घटनास्थलमै मृत्यु भएको छ भने दुईजना घाइते भएका छन् । मृत्यु हुनेमा सिरहाको नवराजपुर गाउँपालिका वडा नम्बर १ तामासुइयाका ३२ वर्षीय रंजित मुखिया रहेका छन् ।
उनीसँगै मोटरसाइकलमा सवार सोही ठाउँका ३५ वर्षीय अरबेन्द्र यादव र ३७ वर्षीय रामबाबु साह घाइते भएका हुन् । मोटरसाइकलको नम्बर खुल्न नसकेको र अबेर राति दुर्घटनामा परेको हो । स्थानीय र प्रहरीले घाइते दुबै जनालाई प्रादेशिक अस्पताल सिरहा पुर्याएका थिए भने त्यहाँ उपचार सम्भव नभएपछि विराटनगर स्थित न्यूरो अस्पताल लगिएको छ ।
घाइते दुबै जनाको अबस्था गम्भीर रहेको छ भने उनीहरुको टाउँकोमा चोट लागेको हो । चोहर्वा तीरबाट सिरहा सदरमुकाम पुग्न लाग्दा चार लेन समाप्त भएर सडक साघुँरो भएको ठाउँमा दुर्घटना भएको थियो ।
