साढे ८ किलो गाँजासहित बारामा एक जना युवती पक्राउ परेकी छन् । बर्दियाको मधुवन नगरपालिका–७ बस्ने २५ वर्षीया प्रियंका श्रेष्ठ पक्राउ परेकी हुन् ।
उनलाई प्रहरी चौकी पथलैया बाराबाट खटिएको प्रहरी टोलीले पक्राउ गरेको हो । जितपुर सिमरा उपमहानगरपालिका–१ आधाभार जंगलबाट उनलाई पक्राउ गरिएको जिल्ला प्रहरी कार्यालय बाराका प्रवक्ता डिएसपी प्रकाश सापकोटाले जानकारी दिएका छन ।
श्रेष्ठले गाजा भारत लैजान लाग्दै थिइन् । उनी लागुऔषध कारोबारीको भरिया हुन् वा मूख्य नाइके हुन् खुलन बाँकी छ । उनीविरुद्ध लागुऔषधको कसुरमा अनुसन्धान अघि बढाइएको हो ।
