फिफा विश्वकप सन् २०२६ को दक्षिण अमेरिकी छनोट खेलमा सर्वाधिक पाँच पटकको विश्वकप विजेता ब्राजिलले भेनेजुएलासँग एक एक गोलको बराबरी खेलेको छ ।
विश्वकपको दक्षिण अमेरिकी छनोटअन्तर्गत शुक्रबार बिहान मोनागासमा भएको खेलमा ब्राजिल घरेलु टोली भेनेजुएलासँग १ १ गोलको बराबरी खेलेको हो । ब्राजिलले खेलको ४३ औँ मिनेटमा राफिन्हाको गोलबाट अग्रता लिएको थियो तर भेनेजुएला लगत्तै खेलमा फर्किन सफल भएको हो । टेलास्को सेगोभियाले पहिलो हाफको अन्त्यमा नै बराबरी गोल फर्काएका हुन । खेलको ६२ औँ मिनेटमा भिनिसियस जुनियर पेनाल्टीमा चुकेपछि ब्राजिल जितबाट बञ्चित भएको हो ।
भेने जुएला खेलको अन्त्यतिर १० खेलाडीमा सीमित हुन पुगेको हो । भेने जुएलाका अलेक्जेन्डर गोन्जा लेजले ८९ औँ मिनेटमा रातो कार्ड खाएका थिए तर उक्त अवसरको फइदा भने ब्राजिलले उठाउन सकेन ।
बराबरी नतिजाका बाबजुद ब्राजिलको विश्वकप छनोट यात्रा लयमा फर्काएको हो उक्त नतिजापछि ब्राजिल १७ अंक सहित तेस्रो स्थानमा उक्लिएको छ ।
यो नतिजापछि ब्राजिल १७ अङ्कका साथ तेस्रो स्थानमा उक्लेको छ । भेनेजुएला १२ अङ्कका साथ सातौं स्थानमा अवस्थित रहेको छ ।
उता अर्को खेलमा भने विश्वकप फूटबलको साविक विजेता अर्जेन्टिना पाराग्वेसँग पराजित भएको छ । पाराग्वेले अर्जेन्टिनालाई २ १ गोल अन्तरले हराएको हो ।
लउतारो मार्टिनेजले ११ औं मिनेटमा गोल गर्दै अर्जेन्टिनालाई सुरुआती अग्रता दिलाएका थिए । तर अर्जेन्टिना अग्रता जोगाउन असफल भएका हुन । पाराग्वेका एन टोनिओ साना ब्रिआले १९ औं मिनेटमा बराबरी गोल गरे । त्यस्तै ओमनर एलडेरेटले दोस्रो हाफको दोस्रो मिनेटमा गोल थपेका थिए ।
पराजित अर्जेन्टिना २२ अङ्कका साथ अङ्क तालिकाको शीर्ष स्थानमा कायमै रहेको छ । पाराग्वे १६ अङ्कसहित छैटौं स्थानमा छ भने
त्यस्तै अर्को खेलमा इक्वेडरले बोलिभियालाई ४ ० गालले हराएको हो ।
