लोक तान्त्रिक समाजवादी पार्टी लोसपा नेपालले पार्टी कार्यालयका लागि नेताहरूमा कार्यविभाजन गरेको छ । लोसपाका सचिवालय सदस्यलाई दैनिक रूपमा कार्यालयमा उपस्थित हुनुपर्ने भनि जिम्मेवारी तोकिएको हो ।
सचिवालय सदस्यहरू डा सुरेन्द्र झालाई आइतबार, अभास लाभ सोमबार, मनिष मिश्र मंगलबार, बिनोदकुमार सिंह बुधबार, ज्ञानेन्द्र झा बिहीबार, निर्जला राउत शुक्रबार, पुष्पा ठाकुर र कविन्द्र ठाकुरलाई शनिबार पार्टी कार्यालयमा उपस्थित रहन पार्टीले कार्यविभाजन गरेको हो ।
त्यस्तै पार्टीको लेवी उठाउने जिम्मेवारी कोषाध्यक्ष निर्जला राउत र कविन्द्र ठाकुरलाई दिएको छ । पार्टीद्वारा विभिन्न क्षेत्रसँग समन्वय गरी कार्य सम्पादन गर्न सहजता प्रदान गर्नका लागि स्वास्थ्य क्षेत्रको जिम्मेवारी अभाष लाभ र ज्ञानेन्द्र झालाई दिएको छ भने निर्वाचन आयोगको जिम्मेवारी सुरेन्द्रकुमार झा र प्रदीप पाठकलाई दिएको हो ।
त्यस्तै सुरक्षा निकायसँग समन्वय गर्ने जिम्मेवारी डा सुरेन्द्र कुमार झा र मनिष मिश्रलाई दिएको छ । गैर सरकारी तथा राष्ट्रिय अन्तराष्ट्रिय संघ संस्था सँग समन्वय गर्ने जिम्मेवारी पुष्पा ठाकुरलाई दिएको छ भने निजामती कर्मचारीसँग समन्वय गर्ने जिम्मेवारी विनोद कुमार सिंहलाई दिएको हो । त्यसैगरी उद्योग, वाणिज्य तथा व्यापारबारे समन्वय गर्ने जिम्मेवारी निर्जला राउत, कविन्द्र नाथ ठाकुरलाई दिएको छ । त्यस्तै, संघीय मन्त्रीलाई प्रत्येक शुक्रबार पार्टी कार्यालयमा उपस्थित हुन लोसपाले भनेको हो ।
