इजरायलमा प्रधानमन्त्री बेन्यामिन नेतन्याहुले रक्षामन्त्री योआभ गलन्टलाई बर्खास्त गरेपछि सर्वसाधारण सडकमा उत्रिएर विरोध प्रदर्शन गरेका छन ।
विश्वासको संकटका कारण आफूले यो निर्णय गरेको नेतन्याहुले बताएका हुन् । हालैका महीनामा गलन्ट प्रति आफ्नो विश्वास घट्तै गइरहेको उनले बताएका छन ।
गलन्टको ठाउँमा विदेशमन्त्री इजरायल काट्जलाई उनले रक्षामन्त्री बनाएका छन् । आफू बर्खास्तमा परेलगत्तै गलन्टले सामाजिक सञ्जालमा इजरायलको सुरक्षा सधैं आफ्नो जीवनको मिशन रहेको र रहने बताएका थिए ।
लामेसमय देखि नेतन्याहु र गलन्टले साथै काम गरेका थिए । कयौं परिस्थितिमा यी दुईले मिलेर निर्णायक कामहरू समेत गरेका हुन । तर गएको एक वर्षयता इजरायलको युद्ध रणनीतिबारे यी दुुईबीच मतभेद चुलिँदै गइरहेको थियो ।
हमासको कब्जामा रहेका बन्दी रिहाईलाई प्राथमिकतामा गाजामा युद्ध जारी राख्नेभन्दा माथि राख्नु पर्ने गलन्टको भनाइ थियो तर नेतन्याहु यसको विपक्षमा थिए ।
