इजरायली आक्रमणपछि इरानले अर्को आक्रमणको सामना गरेको छ । इरानको तफ्तानमा चरमपन्थी समूह जैश अल अदलले गरेको आक्रमणमा १० इरानी सुरक्षाकर्मी मारिएका छन् । चरमपन्थी समूह जैश अल अदलले गरेको सो आक्रमण क्षेत्र तफ्तान पाकिस्तानको सिमाना नजिक अवस्थित रहेको छ ।
इरानको गृह मन्त्रालयका अनुसार सशस्त्र आक्रमणकारीले इरानको सिस्तान र बलुचिस्तानको सिमानामा रहेको सहर तफ्तानको गोहर कोह क्षेत्रमा प्रहरी गस्ती इकाईमा हमला गरेका छन । इरानका गृहमन्त्री इस्कन्दर मोमानीले घटनालाई ुआतंकवादीु हमला भन्दै तत्काल छानबिन गर्न आदेश दिएका हुन्।
सिस्तान र बलुचिस्तानको पुलिस सूचना केन्द्रले पनि विज्ञप्ति जारि गर्दै तफ्तान शहरको गोहर कोह पुलिस स्टेशनका दुई गस्ती इकाईका १० जना प्रहरी मारिएको जानकारि दिएका हुन ।
